Бугарското Собрание повика на политичко решение на кризата во Македонија
Народното собрание на Бугарија изрази длабока загриженост поради развојот на кризата во Македонија.
„Упадот во зградата на македонскиот Парламент и физичкиот напад врз пратениците заслужуваат остро осудување“, се наведува во декларацијата која ја усвои 44. бугарско Народно собрание, пренесува БТА.
Докуметот денеска беше гласан на пленарна седница и поддржан едногласно од сите парламентарни групи.
Според бугарскиот Парламент, агресијата кон народните претставници е недозволива, како и врз институцијата парламент и демократијата. Насилството не може да биде средство за решавање на политички спорови.
„Се надеваме дека претседателот на Македонија и водечките политички сили ќе преземат дејствија за смирувањето на тензиите и враќање во полето на политиката. Веруваме, дека решавањето на кризата е можно само врз основа на почитување на Уставот и законите на земјата. Апелираме на мудрост и воздржаност од сите провокации, што би можеле да ескалираат во меѓуетнички конфликт. Тоа би довело до тешки последици за Македонија и ќе се одрзи на стабилноста и перспективите за економски и социјален развој во регионот“, стои во декларацијата.
Бугарскиот Парламент изрази поддршка за државното единство и територијалниот интегритет на Република Македонија.
Во рамките на претстојното преседавање со Советот на Европската унија, Бугарија ќе работи на забрзување на процесот за пристапување на земјите од Западен Балкан во Унијата со цел гарантирање на мирот и развојот во цела Јужна Европа, се наведува во декларацијата на бугарското Собрание.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон