Бугарското народно собрание од денеска ги замрзнува цените на парното, струјата и водата

Народното собрание на Бугарија одлучи цените на парното, струјата и водата да бидат замрзнати од денеска, 16 декември, а не како што беше усвоено вчера – на нивоата од 1 јануари, јави дописникот на МИА од Софија.

Пратениците на ДПС не учествуваа во гласањето, а само тројца од ГЕРБ гласаа против. Мораториумот беше усвоен со 132 гласа „за", 4 „против" и 2 воздржани. ДПС се обиде да поднесе предлог за укинување на мораториумот, но само 24 пратеници го поддржаа нивниот предлог. ГЕРБ се обиде да ја истурка идејата за компензација за бизнисот, но таа беше одбиена, а најмалата пратеничка група, онаа на „Преродба" предложи мораториум да трае до април, и овој предлог беше откажан.