Бугарското Министерство за здравство со остра реакција против АстраЗенека
Министерството за здравство на Бугарија испрати остар допис до еден од производителите на вакцини – АстраЗенека, објави бугарската приватна телевизија НОВА, која го има документот, јави дописникот на МИА од Софија.
Во документот се наведува дека во моментот постои сериозно доцнење во снабдувањето со вакцини од компанијата. Како пример – на 1 март, Бугарија веројатно ќе добие само 52.000 дози од лекот, иако според планот тие треба да бидат над 142.000. Затоа, министерот за здравство на Бугарија Костадин Ангелов инсистира АстраЗенека итно да испрати 52.000 дози од лекот во Бугарија веќе утре, додавајќи дека земјата е подготвена да обезбедиме воздушен транспорт за оваа цел.
Во писмото се наведува и дека масовната вакцинација во Бугарија се движи со многу високо темпо. А со недостигот на вакцини, АстраЗенека „им ја одзема надежта на луѓето“.
Бугарија денеска постави рекорд по бројот на вакцинирани луѓе за еден ден. Од 7.30 до 17.30 часот по локално време се вакцинирани 18.900 бугарски државјани.
Ново на Сител
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола
-
Гвардиола: Главната работа во фудбалот е да постигнеш гол