Македонија
24. February 2017 - 14:08

Бугарски шофер пронајден починат во камион на Деве Баир

Вчера утро во 09.30 часот во полициската станица за граничниот премин „Деве Баир“, вработен на Царинскиот терминал „Деве Баир“, пријавил дека на терминалот во товарно моторно возило „Волво“ со бугарски регистарски ознаки се наоѓало лице кое не давало знаци на живот.
 
Од екипа од Итна медицинска помош Крива Паланка била констатирана смрт без траги од насилство, а причина за смртта е престанок на работа на срцето и виталните органи. Утврдено е дека починатиот е Б.Л.Ј. (60) од Дупница, Р.Бугарија.
 
Истиот на 21.овој месец се упатил со возилото да изврши транспорт до Скопје како крајна дестинација.
 
На ГП „Деве Баир“ пристигнал на 22.02.2017 година во 14.50 часот. По наредба од Јавен обвинител над телото на починатиот ќе биде извршена обдукција во Институтот за судска медицина во Скопје.
 
Пред една недела во камион со српски регистарски ознаки паркиран кај граничниот премион Блаце во Скопје беше пронајден мртов српскиот државјанин Н.Ј.(38).