Бугарија воведе задолжително гласање
Бугарија денеска за своите граѓани воведе обврска да гласаат на изборите, пренесува Танјуг.
Според новите мерки кои се одобрени во Парламентот оние кои нема да гласаат ќе бидат избришани од избирачките списоци, а доколку се предомислат ќе мораат повторно да се впишуваат во избирачкиот список за да гласаат на следните избори.
Пратениците не го прифатија предлогот со кој се предвидуваше оние кои нема да гласаат да бидат парично казнети или да им биде скусена социјалната помош.
Аналитичарот од Галуп, Андреј Рајчев смета дека немањето казни за неизлегување на избирачките места претставува „глупав компромис“.
На последните парламентарни избори во 2014 година гласале 48, 4 отсто од бирачите, што е најнизок одѕив од крајот на комунизмот во оваа југоисточна европска земја. Експертите очекуваат дека голем фактор за тоа има општата разочараност во корумпираната политичка елита која успеала да го зголеми само својот животен стандард, пренесува Танјуг.
Усвоените промени во Бугарија ќе стапат во сила за претседателските избори во октомври.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња