Бугарија и Грција воведоа забрана за влез на македонски државјани
До први август целосна забрана за влез на македонските граѓани во Грција и Бугарија. Со новата одлука на Европската Унија овие две земји целосно ја спуштија рампата за земјите од Западен Балкан меѓу кои е и Македонија.
Привремената забрана за Бугарија важи за сите без разлика на нивното државјанство и тоа преку сите гранични премини.
Од одлуката иземени се оние макеоднски државјани кои транзитираат пркеу Бугарија за да се вратата дома.
И Грција до 31 јули го продолжи привременото ограничување на сите авионски, железнички и копнени поврзувања со Макеоднија.
Во одлуката потпишана од грчките министри за здравство и транспорт се наведува дека ограничувањето е од превентивни причини за заштита на јавното здравје поради дополнително ширење на коронавирусот.
Од забраната иземени се лица кои се државјани на Грција, кои имаат дозвола за престој и лица кои живеат во Грција како и за транспорт на стока, транзит на болнички возила за хоспотализрање на пациенти кои припаѓаат на дипломатски, воени и адинистративни персонал на змејите членки од ЕУ и Еулекс на Косово.
Освен за Македонија забраната за влез во овие земји важи и за другите држави од Западен Балкан, Србија, Косово, Албанија, Црна Гора.
Македонските државјани без никакви пречки може да патуваат само во Србија и во Албанија, во Косово без рестриктивни мерки можат да влезат оние само со двојно државјанство. За Црна Гора и Хрватска е потребен негативен тест не постар од 72 час.
Во меѓувреме 11 европски држави привремено го намалија ДДВ- то на туристичките услуги за да обезбедат поевтино патување на туристите со што дирекно ќе му се помогне на секторот кој е најпогоден од кризата. Турција до ноември го намали ДДВ –то за хотелите на само еден процент што е најниско во Европа. Грција пак го намали за безалкохолни пијалоци од 24 на 13 проценти , а кај хотелиерите од 13 на 5 отсто.
-
Ирена Чачкова
Сите содржини од овој новинар