Буфон со емотивна порака се прости од Астори: Твојата ќерка заслужува да го знае ова
Како гром од ведро небо пристигна информацијата за смртта на капитенот на Фиорентина, Давиде Астори, кој почина во сон во хотел во Удине, каде што неговиот тим требаше да игра натпревар против Удинезе.
Поради смртта на Астори беа откажани сите натпревари во Серија А за да му се покаже почит.
Пораки за сочуство до семејството на Астори пристигнаа од сите страни, а една од најемотивните пораки ја напиша голманот на Јувентус, Џанлуиџи Буфон.
„Здраво, мил Асто
Ретко пишувам вака јавно за некоја личност зашто секогаш сметав дека убавината и уникатноста на однос со некого не би требало на ваков начин да се покажува или да се фрла како храна на тие кои немаат чувства да почитуваат одредени врски.
Во твојот случај, чувствувам потреба да направам исклучок од моите принципи зашто имаш млада сопруга и членови на семејството, кои сега страдаат, а особено твојата ќерка која заслужува да знае дека нејзиниот татко во секоја смисла е СОВРШЕНА ЛИЧНОСТ… ГОЛЕМА СОВРШЕНА ЛИЧНОСТ.. беше најдобар приказ на светот, во кој вредностите како што се елеганцијата, едукацијата, образованието и почитта на другите беа темел на се.
Ти честитам навистина, беше еден од најдобрите спортисти кои сум ги сретнал.
Почивај во мир,
Твојот луд Џиџи.“
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари