Брошура за предмети од етнозбирката на библиотеката АЛ-БИ
Библиотеката Ал-Би од демирхисарското село Бабино објави брошура „Етноризницата низ слика, порака и стих“ од ученици-основци, посветена на 33 предмети од богатата етнозбирка која е во состав на библиотеката.
Ученици од основните училишта „Браќа Миладиновци“ од село Жван и „Гоце Делчев“ од Демир Хисар се автори на ликовните и литературните творби за предмеите кои се користеле во минатото, како: утија, ругузина, опинци, пирустија, разбој, налани, аван, ѓум, кантар, мангал, стомна, бутин... На крајот од брошурата во речник се појаснети значењата на старинските предмети.
- Учениците направија успешен обид да го реконструираат животот на симболичен начин на 33 етнопредмети следејќи ја нивната судбина низ годините - животот на предметот и животот со предметот... Ова се предмети на кои подолго време им го имаме свртено грбот и сме ги сокриле од нашата совест, а биле најважен и неодминлив дел од животот на нашите предци, истакнува во предговорот на брошурата Слободан Стојковски, кустос во Завод и музеј Битола.
Библиотеката Ал-Би има фонд од 20.000 наслови, а етнозбирката содржи над 120 предмети изработени од дрво, бакар, железо, месинг, платно... кои го отсликуваат демирхисарското поднебје. Дел од нив се и 33-те на кои им е посветена брошурата која АЛ-БИ ја објави со финансиска поддршка од Министерството за култура.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање