Македонија
29. May 2017 - 14:20

Бркотница на автопат, автомобилот излетал, возачот избегал, еве што нашла полицијата во возилото

Во три часот по полноќ во близина на кружниот тек до казино во Гевгелија, полициски службеници забележале возило „Рено Меган‘‘ со скопски регистарски ознаки, во кое имало повеќе лица, како со голема брзина се упатило по автопатот во правец на Скопје.

Полициските службеници се упатиле по возилото, кое кај клучката кај селото Прдејци излетало од патот. По незгодата возачот почнал да бега, додека во околината биле затекнати осум лица-мигранти, од кои четири лица од Индија и четири лица од Пакистан.

По консултација со Јавен обвинител дел од мигрантите ќе бидат спроведени во Прифатниот центар за странци-Скопје, а останатите се предадени на полициски службеници од Полицијата Гевгелија за понатамошна постапка.

По извршена проверка утврдено е дека регистарските таблици припаѓаат на друго патничко возило. Се преземаат мерки за пронаоѓање на возачот и за целосно расчистување на случајот.