Британски новинар против носењето хиџаб на телевизија
Британскиот новинар Келвин Мекензи, поранешен главен уредник на таблоидот „Сан“, се спротивстави водителка на вести на телевизијата Канал 4 да биде облечена во хиџаб, традиционална женска муслиманска облека.
Според Мекензи, тоа е посебно неприфатливо, додека на програмата оди извештај за терористичкиот напад во Ница, во кој, како што пишува новинарот, „еден муслиман изврши масакр убивајќи 84 невини лица“.
Повод за ваквата реакција на овој познат британски новинар се Вестите на лондонскиот Канал 4, во која новинарката Фатима Манџи, пред телевизиските камери се појави во хиџаб, што и ја покрива целосно главата, додека се емитуваше опширниот извештај за нападот на француската Ривиера.
- Не можев да поверувам што гледам, напиша Мекензи во својата редовна колумна во „Сан“.
Тој прашува „дали е примерно“ новинарката да се појави така облечена додека со репортерот од самото место на терористичкиот напад се прикажува прилогот од Ница со многу слики од она што остави зад себе терористот.
Мекензи тврди дека облеката хиџаб за обичните гледачи претставува симбол за „поробеноста на муслиманските жени“.
Телевизијата Канал 4 го оквалификува коментарот на Мекензи како „целосно неприфатлив“. Во специјалното соопштение се вели дека станува збор за „навредлив коментар“ во кој има и „верска и расна омраза“.
Редакцијата на „Сан“ одби да дава оценки за колумната на Мекензи.
Британската независна организација за новинарски стандарди (ИПСО) соопшти дека примила преку 800 приговори и забелешки на пишувањето и ставовите на Келвин Мекензи, кои рече дека ќе бидат разгледани.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација