Британската министерка за внатрешни работи Амбер Руд поднесе оставка
Британската министерка за внатрешни работи Амбер Руд поднесе оставка, соопштија од Даунинг стрит. Таа беше под притисок да поднесе оставка поради Виндруш скандалот.
Се очекува денеска да даде изјава за оставката во Домот на лордови. Руд за одлуката за оставка телефонски ја информирала премиерката Тереза Меј синоќа, а поради барањата на опозицијата да добие отказ.
Како што јави Би-Би-Си, премиерката ја прифатила оставката.
Руд се соочи со критики поради тоа што властите злоставувале долгогодишни легални жители кои дошле од Карибите.
Гардијан вчера објави нејзино писмо до Меј во кое изразува своја цел да депортира 10 отсто повеќе илегални имигранти во следните неколку години. Иако граѓаните на поранешните британски колонии имаат право на легален престој во Британија, новите построги правила од 2012 година им ја отежнаа состојбата со што им се намалени правата за жителство, работи и здравствена заштита.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка