Британската економија на работ на стагнација заради Брегзит
Британската економија во октомври имала најслаб раст во последните речиси седум години заради неизвесноста која го следи излегувањето на Велика Британија од Европската унија и слабото глобално опкружување, информира статистичката служба ОНС.
Британскиот БДП во октомври се зголемил за 0,7 отсто на годишно ниво, што е најслаб резулат од март 2012 година кога земјата заздравуваше од глобалната економска криза.
Најслаби резултати се забележени во индустријата и градежниот сектор, покажува извештајот на статистичката служба.
Во ОНС воедно напоменуват дека приближувањето на дотогаш зацртаниот датум за излез од ЕУ, крајот на октомври, најверојатно го поттикна растот на извозот и увозот во тој месец, иако поскромно отколку пред првично планираното излегување во март.
Во тримесечниот период, заклучно со октомври, економијата стагнираше во однос на претходните три месеца, информира ОНС.
Несигурноста во бизнис заедницата веројатно ја засили и распишувањето на предвремените избори, за 12 декември, шпекулираат британските медиуми.
Премиерот Борис Џонсон ги повика избирачите да го поддржат неговиот договор за Брегзит, тврдејќи дека разбивањето на блокадата во парламентот „ ќе отвори бран од вложувања“.
Бизнис заедницата е поделена пред изборите стравувајќи дека победата на ториевците можеби ќе значи хаотичен Брегзит, а со тоа и отежнато бизнис работење со ЕУ. Лабуристите, пак, им најавуваат повеќе даноци и национализација на економските сектори, потсетуваат британските медиуми.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца