Британија: Тест за антитела на Ковид-19 за 20 минути, прецизен 98,6 отсто
Британските министри планираат да поделат милиони тестови за антитела на новиот коронавирус откако верзијата на тестот, поддржан од британската Влада, ги помина првите големи анализи.
Тоа е тест што анализира крв од прст за 20 минути и открива со 98,6 проценти точност дали некое лице било изложено на вирусот САРС-КоВ-2. Ова го покажаа тестовите спроведени врз луѓе во јуни.
Тестот беше развиен од британски компании за дијагностицирање, собрани во конзорциумот UK Rapid Consortium и универзитетот Оксфорд.
„Се покажа дека тестот е 98,6 проценти точен и тоа е многу добра вест“, рече Крис Ханд, шеф на UK Rapid Consortium .
Претходните тестови за антитела достапни во Велика Британија вклучуваат испраќање примероци од крв за анализа исклучиво во лаборатории, што трае со денови.
Регулаторно одобрување се очекува во следните неколку недели, а десетици илјади прототипови веќе се произведени во фабриките низ целата земја.
Министрите се надеваат дека тестот познат како AbC ќе биде во масовна употреба пред крајот на годината. Најверојатно ќе бидат бесплатни и ќе се порачуваат преку интернет.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница