Британија ќе забрани влез за граѓани од ЕУ кои биле во затвор повеќе од една година
Велика Британија објави дека од јануари ќе воведе нови правила за забрана за влез на лица од Европската унија со криминално досие, што значи дека ќе бидат третирани исто како и луѓето од остатокот од светот.
Овластувањата ќе стапат на сила на 1 јануари, кога завршува неформалното членство на Велика Британија во ЕУ и таа повеќе не мора да ги почитува правилата на ЕУ за слободно движење.
„Предолго, правилата на ЕУ нè принудија да пуштиме опасни странски криминалци на нашите улици кои ги злоупотребуваат нашите вредности и го загрозуваат нашиот начин на живот“, рече министерката за внатрешни работи, Прити Пател.
„Велика Британија ќе биде побезбедна благодарение на построгите и поправедни гранични контроли, каде странските криминалци, без оглед на националноста, ќе бидат предмет на истата криминалистичка легислатива“.
Со амандманите, кои треба да бидат изгласани пред парламентот денеска, ќе се забрани влез на лица осудени на најмалку една година затвор во Британија. На оние со пократки казни може да им се забрани влез во зависност од нивните случаи, а влезот во Велика Британија во одредени околности може да биде забранет дури и на лица кои не се осудени со затворска казна.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка