Свет
14. April 2021 - 8:23

Британија ќе ги повлече речиси сите свои трупи од Авганистан

Велика Британија ќе ги повлече речиси сите свои војници од Авганистан откако американскиот претседател Џо Бајден објави дека ќе ги повлече американските сили до 11 септември 2021 година, објави весникот „Тајмс“.

Велика Британија разработи планови за предавање на контролата врз академијата во Кабул на авганистанската влада, каде нејзините единици помагаат во обука на авганистански војници, наведува весникот.

Во Авганистан има околу 750 британски војници кои, според извори, ќе имаат потешкотии по повлекувањето на американската поддршка поради нивната зависност од американските бази и инфраструктура, додава „Тајмс“.