Британецот кој 411 дена беше болен од Ковид-19 конечно оздраве

Се опорави 59-годишен пациент кој заболел од раната верзија на Ковид-19 и не можел да се ослободи од инфекцијата поради слаб имунолошки систем по трансплантацијата на бубрег.

Британецот кој имаше Ковид-19 цели 411 дена се смета за личност која најдолго во светот била заразена со вирусот и преживеала, пишува словенечкиот портал „24ur“.

Пациентот, кој имаше ослабен имунолошки систем по трансплантација на бубрег, беше позитивен на корона вирусот за првпат во декември 2020 година. И покрај тоа што ги изгуби симптомите на инфекција, тој беше позитивен до јануари оваа година.

Вработените во лондонската болница велат дека не знаат за друг регистриран случај на лице кое се опоравува од толку долга инфекција. Преку генетска анализа, тие утврдиле дека 59-годишникот бил заразен со рана верзија на оригиналниот вид Вухан, кој подоцна бил заменет со алфа, делта и омикрон верзии.

Само кога ќе се идентификуваше варијантата, пациентот можеше да се лекува со Регенерон, истата мешавина дадена на тогашниот американски претседател Доналд Трамп.

Истиот тим лекувал пациент кој починал по 505 дена позитивни тестови.

Во двата случаи, генетските тестови покажаа дека пациентот бил заразен само еднаш и не се заразил повторно.