Брегу: Економскиот раст на Западен Балкан станува тренд
Позитивната економска перспектива на Западен Балкан е недискутабилна, а просечниот раст на БДП во 2020 година се очекува да биде близу четири отсто.
Ова во Сараево го изјави генералната секретарка на Регионалниот совет за соработка Мајлинда Брегу на состанокот на Бордот на организацијата, која е вид на оперативно тело на земјите на Процесот за соработка во Југоисточна Европа (ПСЈЕ), чиј основач е и Република Северна Македонија.
– Регионот бележи напредок и има позитивна економска перспектива. Во претходните неколку години регионот остваруваше непрекинат економски раст, при што аналитичарите се согласуваат дека овој тренд ќе продолжи и среднорочно, а се предвидува дека трендот ќе се зацврсти и дека во 2019 година просечниот пораст ќе биде 3,5 отсто, додека во 2020 тој ќе изнесува 3,8 отсто, изјави Брегу.
Таа додаде дека претстојните предизвици ќе бидат се поголеми.
– Реално е да се очекува дека програмата за работа на Европската Унија ќе има влијание и на процесот за нејзино проширување со Западен Балкан. Истовремено ќе се проверуваат кредибилноста и подготвеноста на Западен Балкан да ги исполни критериумите и да се приклучи кон ЕУ, рече Брегу.
Одборот бил информиран дека Босна и Херцеговина го презеде претседателството со ПСЈЕ и дека во тек се подготовките Косово да го преземе следното претседателство, соопшти денеска РСС.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина