Бразил: Уапсен директорот на најголемата компанија за месо во светот
Бразилската полиција денеска го уапси извршниот директор на најголемата компанија во светот за преработка на месо „ЈБС“, осомничен за давање поткуп и за инсајдерско тргување заради профит од зделка, склучена претходно, оваа година.
Извршниот директор на „ЈБС“ Весли Батиста и неговиот брат Жоесли, поранешен шеф на компанијата, во мај склучиле договор со Обвинителството, во рамки на кое посведочиле дека оваа компанија платила поткуп на десетици политичари, вклучувајќи го и претседателот Мишел Темер. Претседателот ги отфрли таквите тврдења.
Весли беше приведен во Сао Паоло, а освен за поткуп се товари за инсајдерско тргување со акции на компанијата и невообичаено купување долари, кои донеле огромен профит на компанијата.
Налог за притвор е издаден и за Жоесли, иако тој е во истражен затвор од неделата, откако самиот се предаде по објавувањето дека наводно скрил информации за време на давањето исказ при постигнувањето договор со Обвинителство.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација