Македонија
5. January 2017 - 9:11

Божиќен концерт на мешаниот хор на КУД „Стив Наумов“-Битола

Мешаниот хор на КУД „Стив Наумов“-Битола вечер ќе го приреди традиционалниот Божиќен концерт кој секоја година се одржува во храмот „Св. Димитрија“ во овој град.

Според програмата, на вечерашниот концерт ќе биде изведена духовна музика, избор од делата на Рахмањинов, Бортњански, Бортњонини но и од познатите македонски автори на духовна музика.

- Домашните автори за мешаниот хор секогаш се посебен предизвик и затоа во прекрасниот храм „Св. Димитрија“ ќе ги отпееме и композициите на Атанас Бадев „Отца и сина“, „Свјат свјат“ и „Достојно ест“, потоа композицијата „Химна на Св. Климент Охридски“ од Кирил Македонски, како и други музички теми, истакна Љубомир Трифуновски, дирегент на хоровите на КУД „Стив Наумов“-Битола.