Македонија
23. јуни 2022 - 12:26

Босилово сака да ги врати ингеренциите во училиштата – Нема ни пари ни деца

Општина Босилово ја разгледува можноста ингеренциите во образованието да ги вратиу назад на ресорното министерство. 

Лошата финансиска состојба во училиштата, натрупаните долгови и превработеноста на сметка на се помалиот број ученици биле главните причини за тоа. 

Градоначалникот Ристо Манчев вели дека нивната  општина била една од ретките во државата во која дури 96% од средствата од блок дотациите биле наменети за плати, а само 4% за останатите трошоци како што се електрична енергија, превоз или греење.

Од општината веќе побарале и средба со ресорниот министер за да го информираат за моменталната состојба, но и да се разгледаат можностите за најдоброто решение пред да почне новата учебна година. 

Со најавеното зголемување на платите, доколку блок дотациите  останат исти дури 99,5% од средствата што општина Босилово ги добива од министерството ќе биле наменети за плати, а сите останати материјални трошоци на товар на општинскиот буџет. 

Во моментов вкупниот долг на трите основни училишта изнесува 4 милиони и 800 000 денари, а едно од нив има и блокирана сметка.