Бошковиќ: Договорот меѓу Северна Македонија и Грција доказ дека постојат храбри луѓе во регионот
Во регионот има храбри луѓе, а пример за тоа е постигнувањето на договор меѓу Грција и Северна Македонија, со кој е решено нешто за кое до пред две години се мислеше дека е нерешливо, изјави синоќа црногорскиот министер за одбрана Предраг Бошковиќ.
Сепак, тој дополни дека на Западен Балкан се уште има отворени проблеми. Во Виена, на „Јужно-источниот европски бизнис круг“, Бошковиќ го посочи косовското прашање, дополнувајќи дека реториката околу тоа прашање наликува на онбаа од 1990-те. Но и покрај тоа исклучи можност од повторување на настаните кои се случија тогаш. Меѓутоа, нестабилноста на Косово може да предизвика нестабилност во Црна Гора, Србија, БиХ и другите земји од регионот, бидејќи се сите поврзани, а може негативно да влијае и на стабилноста на Европа.
– Неопходно е Белград и Приштина што побрзо да се вратат на дијалогот, пренесува Танјуг.
Според него, предизвик е и БиХ, која ја оквалификува како нефункционална држава.
Бошковиќ вели дека најголем проблем на Балканот е тоа што сите секогаш гледаат на различностите, наместо на заедничкиот интерес.
– Западен Балкан има голем потенцијал, кој досега е неискористен, бидејќи земјите од регионот премногу гледаат на своите различности, наместо да бараат сличности, посочи црногорскиот министер.
Тој оцени дека сега се потребни храбри и паметни одлуки и укажа дека доколку поранешна Југославија ги донела кон крајот на 1980-те, постјугословенските држави сега ќе беа членки на ЕУ.
Ново на Сител
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово