Борисов: За Бугарија да ја поддржи Северна Македонија, бугарското малцинство треба да биде во Уставот
За Бугарија да ја поддржи Македонија, бугарското малцинство мора да биде впишано во Уставот на државата, вели лидерот на бугарската партија ГЕРБ и поранешен премиер Бојко Борисов.
Неговата изјава следуваше по средбата во Софија со преставници на бугарски здруженија во Македонија, кои, според него, му се пожалиле дека „во земјава се чувствуваат како да не постојат“.
-Тие знаат дека нашата поддршка како власт или како опозиција зависи од признавањето на бугарското малцинство. За оваа тема најдов разбирање со Еди Рама, го очекувам истото и од Зоран Заев. За Бугарија е исклучително важно Македонија и Албанија да се во Европската Унија, напиша Борисов на својот Фејсбук профил.
Тој, во однос на политичката ситуација во Бугарија, оценува дека државата западнала во меѓународна изолација во последните месеци, а демократските држави „се исмејувале на слабата диломатија“.
– Бугарија се тресе од скандали, наместо да дебатираме за важни теми како односите со Македонија и Ковид-кризата, Радев назначува министри со двојно државјанство и се обидува да изврши влијание врз Уставниот суд, никогаш сме немале претседател кој си дозволува да го нарушува Уставот, додава Борисов.
Претставници на неколку бугарски здруженија во Македонија, вчера беа примени и од претседателот на Бугарија Румен Радев, кој на средбата посочил дека без соработка со македонските Бугари, Софија не може соодветно да ги заштити нивните права. Тој потсети дека во Договорот за добрососедство меѓу Бугарија и Република Македонија стои дека Софија има право да ги брани правата на македонските Бугари.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово