Loading Video...
Балкан
19. February 2020 - 17:07

Борисов не дозволува протест на граѓаните, го предупреди директорот на патишта дека ќе остане без работа

Бугарскиот премиер не дозволува протест на граѓаните, го предупреди директорот на патишта дека ќе остане без работа.

По веста дека жители од околината на Софија решиле да излезат на протест бидејќи треба да плаќааат винетки за да одат на работа по обиколницата околу метрополата, Борисов многу се налутил.  На денешната седница на владата нервозно го прозва директорот на Агенцијата за патишта како може поради таква глупост да го натера народот да оди на улица .

-Каде е шефот на Агенцијата за патишта? Зошто ми правите така? Нели знаете дека бргу ќе се расправам со вас? Како може да ми го истерате народот на улица за таква глупост? – со овие зборови Борисов ја започна средбата со министрите.

-Ве прашувам, за да знам дали да ве ,,управам” уште денес. Многу бргу да реагирам сега, или после ручек? Тие луѓе гласаа ли за градоначалник на Софија? Гласаа! Какви винетки ќе плаќаат тогаш?

Сакам сега да отидеш кај сите тие луѓе во населените места и како гласник по три пати да викаш – Нема да има винетки!

Викаш по три пати, се извинуваш и се враќаш – му нареди Борисов на шефот на АПИ Георги Терзииски.

-Ако веднаш не направите така, ќе зажалите – пресече бугарскиот премиер, по што Терзииски ја напушти средбата.