Борисов домаќин на четиристрана средба на лидери од Балканот
Премиерот на Бугарија Бојко Борисов е домаќин на денешната четиристрана средба на врвот меѓу Бугарија, Грција, Романија и Србија во резиденцијата „Евксиноград“ крај Варна.
Премиерите на Бугарија, Грција и Романија Борисов, Алексис Ципрас и Виорика Данчила и претседателот на Србија Александар Вучиќ ќе разговараат за развојот на заедничките инфраструктурни проекти во контекст на поврзување на Балканот. Гостин на Форумот е и премиерот на Израел Бенјамин Нетанјаху, кој од вчера престојува во Бугарија.
Фокусот на состанокот ќе биде и продлабочување на регионалната стабилност, како и актуелните европски прашања. Се очекува дека меѓу проектите што ќе се разгледуваат е и железничкиот коридор од медитеранските пристаништа на Грција преку бугарските Варна и Бургас во Црното Море до Русе на Дунав, а од таму ќе се разгранува во Белград и Букурешт.
Другите два клучни проекти, за кои веќе се согласија премиерите, се енергетски и вклучуваат изградба на гасоводни врски помеѓу Бугарија и Грција и изградба на терминал за течен гас.
Нетанјаху вчера соопшти дека денеска ќе се разговара и за вклучувањето на Бугарија во проектот за гасоводот „EASTMED“, во кој освен Израел и Грција се вклучени и Кипар и Италија.
– Четиристраната средба во „Евксиноград“ е поврзана со нашата желба Балканот да биде попросперитен и побрзо да се развива во сферите во кои Израел е предводник – високи технологии, изјави Борисов.
Ново на Сител
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција