Борче Јанев од Свети Николе го фати Светиот крст во Ростуше
Борче Јанев од Свети Николе го фати осветениот крст во водите на река Радика во Ростуше, што беше положен по повод денешниот голем христијански празник Богојавление – Водици.
Светиот крст во водите на река Радика го положи владиката Партениј, игумен на Бигорскиот манастир, а по него се фрлија стотина млади речиси од сите делови на државата. Владиката Партениј среќниот Јанев го даруваше со зографисана икона од празникот Богојавление.
– Бог се јави. Навистина се јави. Пресреќен сум. Посакувам многу здравје, среќа и радост на сите и благосотојба во државава, порача Јанев.
На традиционалното скокање по крстот, како секогаш заедно со верниците беа и претставници на локалната власт на општина Маврово и Ростуше.
Повереникот за надлежностите на градоначалник, Медат Куртовски, на Јанев му подари телевизор.
– Честит празник на сите православни верници во нашата општина и во нашата држава. Посакувам здравје, среќа и благостојба во сечиј дом, посака Куртовски.
Пред положувањето на Светиот крст беше одржана Божествена Златоустова литургија во црквата „Пресвета Богородица“ во селото Ростуше, од страна на братството на Бигорскиот манастир, на која присуствуваа и сестрите од манастирот „Свети Георгиј Победоносец“.
На литургијата присуствуваа верници од подрачјето на Река и други градови од земјава, кои учествуваа и на трожествената литија која тргна од црквата се до Ростушки Мост на река Радика.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка