Бомба експлодира во северна Митровица

Косовската полиција информира за експлозија на бомба, што се случи рано утрово во северниот дел на Митровица, при што нема повредени и е причинета само материјална штета, јави дописникот на МИА од Приштина.

Експлозијата се случила околу три часот утрово пред сала за фитнес, во сопственост на етничкиот Бошњак Сеад Чешко, кој е и припадник на косовската полиција, на служба на граничниот премин со Србија, Брњак.

Од експлозијата се скршени стаклата на прозорците на салата и е оштетно едно патничко возило „сеат ибица“.

Заменик командантот на косовската полиција за митровичкиот регион, Бесим Хоти изјави за медиумите дека засега не се знае целта на нападот, ниту кој стои зад него, бидејќи истрагата е во почетна фаза.