Болсонаро го одобри законот за задолжително носење маска на јавни места
Бразилскиот претседател Жаир Болсонаро, кој досега постојано е критикуван за неговиот став кон пандемијата на коронавирусот, го одобри предлог законот со кој се бара задолжително носење заштитни маски на јавни места.
Тој, меѓутоа, стави вето на членот од законот што бара тоа да биде неопходно и во продавниците, црквите и училиштата, објаснувајќи го неговиот став со објаснувањето дека усвојувањето на таквата одредба може да доведе до кршење на правата на сопственост.
Покрај тоа, тој го искористи своето право на вето и во случај на членот што го утврдува делењето заштитни маски за сиромашните.
Болсонаро се уште не ја признава сериозноста на ситуацијата предизвикана од пандемијата во неговата земја, иако со 1,5 милиони заразени и 61.884 смртни случаи од Ковид-19 Бразил се наоѓа на второто место во светот според двата статистички параметра, наведува Би-Би-Си, повикувајќи се на податоци на Институтот Џон Хопкинс.
Предлог-законот беше усвоен од страна на Претставничкиот дом на бразилскиот Конгрес и во рок од 30 дена Конгресот може да ги поништи решенијата за ветото на Болсонаро со апсолутно мнозинство.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри