Боливискиот претседател Моралес сепак нема вонбрачно дете
Боливискиот претседател Ево Моралес не е татко на вонбрачно дете, затоа што такво дете воопшто не постои, пресуди Суд во Ла Паз.
Претходно, непостоењето на вонбрачното дете го потврди и боливискиот новинар Карлос Валверде, кој во февруари годинава објави дека претседателот-ерген има син од една негова поранешна вонбрачна врска.
Моралес подоцна призна дека две години бил во врска со жената која се прикажуваше како мајка на нивното заедничко дете, но објаснуваше оти му било речено дека детето починало набрзо по породувањето.
Новинарот Валверде сега тврди дека претседателот и жената никогаш немале заедничко дете.
Скандалот со вонбрачното дете се појави во текот на новинарската истрага за активниостите на една кинеска фирма во Боливија и за нејзиното „фаворизирање“ при добивањето на зделките. Скандалот доби на тежина кога беше обелоденето дека во боливиската филијала на фирмата, како еден од директорите, работи поранешната девојка на претседателот Моралес.
Тој никогаш досега не бил женет, а во периодот меѓу 2005 и 2007 година живеел со оваа жена. Таа му тврдела дека по раскинот, се родил нивниот син кој по породувањето починал.
Жената, која е уапсена во врска со зделките на фирмата, во затворот изјави дека нејзниниот „син“ од врската со Моралес е жив, но таа не дозволуваше детето да се сретне со „таткото“.
Моралес побара судски налог за средба на која му беше прикажано дете за кое „мајката“ не даваше да се направи ДНК тест и да се утврди татковството.
Сега меѓутоа е утврдено дека детето било „подметнато“.
Приврзениците на Ево Моралес тврдат дека целата афера има политичка заднина, затоа што таа избувна непосредно пред референдумот што претседателот го загуби со тесен резултат.
На референумот граѓаните одлучуваа за тоа дали да му се овозможи и четврти мандат на Моралес како претседател на Боливија, иако Уставот дозволува само два едно по друго мандати.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок