Македонија
13. April 2021 - 10:51

Богдановиќ: За жал, одобрение за градба кај „Холидеј Ин“ ќе мора да се издаде

Градоначалникот на Општина Центар, Саша Богдановиќ, во вчерашното гостување на Телма кажа дека доколку нема правни механизми и опции, одобрението за градба за проектот кај хотелот „Холидеј Ин“ ќе мора да се издаде.

„Единствен начин да се спречи градењето е мораториумот, а ние од Општина Центар, по одлуката на Уставниот суд, повеќе немаме ингеренции. Ние како општина ќе ги бараме сите правни механизми. Ако се докаже нешто спорно евентуално, тогаш целосната постапка ќе мора да сопре. За жал, одлуката во ваква ситуација, односно одобрението за градба, ќе биде легално“, рече Богдановиќ.