Богата културна програма по повод патронот на Кратово св.Ѓорги Кратовски
Локалната самоуправа на Кратово во соработка со институциите од областа на културата од општината организираат богата културно-забавна програма по повод патрон-празникот на градот, свети Ѓорги Кратовски, чиј спомен православната црква го честува на 24 февруари.
Од општината информираат дека годинава празнувањата се проширени и се распоредени во тридневна програма за сите генерации, жители на Кратово и посетители.
-Вчера се одржа изложба на фотографии „По трагите на св.Кирил и Методиј“, а за најмладата популација гостуваше Театарот за деца и младинци, Скопје со претставата за деца „Лакомата меца“. Вечерва, во пресрет на патрониот празник, на градскиот плоштад со почеток во дваесет часот ќе се одржимузички хепенинг, а на забавниот спектакл ќе настапат Александра Јанева , „Фидбек бенд“ и групата „Девојките“- Тhe chiks, посочија од службата за јавни дејности при локалната самоуправа на Кратово, упатувајќи отворен повик до сите граѓани од Кратово и соседните општини да присуствуваат на настанот.
Во ракми на прославата, под покровителство на општината организирани се и спортски ативности, традиционален повеќедневен фудбалски турнир итурнир во пинг-понг.
Утре, по повод 24 февруари, кога православната црква го празнува споменот на патронот и заштитник на градот Кратово, Св. Новомаченик Ѓорѓи Кратовски, чествувањето ќе отпочне со света Божествена литургија на свештенството од МПЦ – ОА, по што ќе следува водокрст на градскиот плоштад во 10 часот и 30 минути.
Од 11 часот на плоштадот е настапот на Културно-уметничкото друштво „Ефрем Каранов“ – Кратово и КУД „Тодор Јанев“ , Чашка, а во 12 часот во Музеј на град Кратово ќе се одржи промоција на книгата „Светот во мене и светот до мене“ на Марија Монеска.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање