Бочварски во Софија ќе потпише меморандум за доизградба на железничкиот Коридор 8
Министерот за транспорт и врски Благој Бочварски денеска ќе престојува во работна посета на Софија каде ќе го потпише трилатералниот меморандум меѓу Македонија, Бугарија и Албанија за доизградба на железничкиот Коридор 8.
Целта на меморандумот е да се потврди подготвеноста на трите страни за долгорочно планирање и координиран развој на Коридорот 8 со фокус на проекти кои се од најголемо значење за регионот. Исто така, со меморандумот ќе се потврди подготвеноста на земјите потписнички за спроведување на мерките за брз и непречен транспорт на стока на граничните премини.
На поинтензивна соработка за доизградба на железничкиот коридор со потпишување протокол во јули годинава се обврзаа и директорите на државните претпријатијата за железничка инфраструктура од државава Хари Локвенец, од Бугарија, Красимир Папукчиски и Ана Дурмиши од Албанија.
Според Локвенец, создадени се сите предуслови 2026 година да биде конечна рамка за завршување на проектот за изградба на пругата кон Бугарија.
Во источниот дел на Коридор 8 во државава во тек е тендерска постапка за избор на изведувач за изградба на пругата од Куманово до Крива Паланка. Изведувачот ќе треба да ја доизгради и модернизира правата делница Куманово-Бељаковце, како и втората делница од Бељаковце до Крива Паланка. За третата делница од Крива Паланка до границата со Бугарија се подготвува тендерска документација.
На првата делница во должина од 31 километар се завршени 54 проценти од градежните работи, кои беа прекинати откако германски „Вибе” еднострано го раскина Договорот за изведба. Втората делница е долга 34 километри. И за двете делници е заокружена финансиската конструкција, а за третата, во должина од 24 километри, се обезбедени дел од финансиите. Дел од железничкиот Коридорот 8 е и изградбата на пругата Кичево-Лин.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората