БМВ: Брегзит без договор може да го „избрка“ производството на „Мини“ надвор од Велика Британија
Германскиот автомобилски гингант БМВ ќе го премести производството на автомобилите од марката Мини (Mini) надвор од Британија доколку Лондон ја напушти Европската унија без договор.
Ова денеска го изјави членот на управниот одбор на компанијата одговорен за марките Мини и Ролс Ројс, Петер Шварценбауер. Тој потврди дека автомобилите Ролс Ројс ќе продолжат да се произведуваат во Велика Британија независно од резултатот од Брегзит, затоа што тоа е британска луксузна марка.
Од друга страна, излез без договор ќе биде „огромен товар“ за марката Мини и германскиот автомобилски гигант може да побара преместување на производството на друго место. Во моментов, моделот Мини се произведува во фабриката на БМВ во Каули, југоистоично од Оксфорд.
Во септември минатата година БМВ соопшти дека планира затворање на таа фабрика за најмалку еден месец од 1 април 2019 година нагласувајќи дека е избран тој датум за да се совпадне со планираното напуштање на Велика Британија (29 март) и да се сведе на минимум ризикот од можен краткорочен прекин на испораката на автомобилски делови во случај на Брегзит без договор.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка