Блокирана задолжителната вакцинација на илјадници здравствени работници во 10 американски држави
Федералниот суд вчера ја суспендираше одлуката на американската Влада за наметнување задолжителна вакцинација против Ковид-19 на илјадници здравствени работници во 10 држави, кои беа првите што поднесоа жалба против таквото барање.
Во судската одлука се вели дека федералните Центри за медицинска нега и помош немаат експлицитни овластувања од Конгресот да воведат задолжителни вакцини за давателите на здравствени услуги кои учествуваат во двете владини програми за здравствена заштита на стари и изнемоштени лица, лица со посебни потреби и сиромашни.
Прелиминарната одлука, издадена од федерален судија во Сент Луис, се однесуваше на група од десет држави кои поднесоа заедничка жалба: Алјаска, Арканзас, Ајова, Канзас, Мисури, Небраска, Њу Хемпшир, Северна Дакота, Јужна Дакота и Вајоминг. Слични случаи се водат и во други држави.
Правилата усвоени од федералната Влада бараат вакцинација против Ковид-19 на повеќе од 17 милиони вработени низ целата земја во околу 76.000 здравствени установи и даватели на здравствена заштита во домовите, кои се финансирани од владините здравствени програми. Вработените мора да ја примат првата доза вакцина до 6 декември, а втората до 4 јануари.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово