Блокиран транспортот на смет до депонијата Русино
Под мотото „Стоп за депонијата Русино“, стотина жители на Гостивар и околните села одржаа протестен собир и го блокираа транспортот на комунален смет до регионалната депонија Русино, кај месноста Сушички мост.
Граѓаните кои го попречија патот со возила и жив штит рекоа дека од несоответното депонирање на смет, трпат штети и се соочени со закани по нивниото здравје и животната околина. Тие, како што посочија со баракади од автомобили ќе го запрат движењето на камионите со отпад кон депонијата Русино на неопределно време.
- Сметот се истура покрај патот, а потоа завршува по нивите, реките и во потоците во овој крај. Цела природа ни е уништена, а земјоделието трпи штети од ваквото однесување. Бараме да се изнајде соодветно решение, со фабрика за рециклажа и според европските стандарди, истакнаа од Организацискиот одбор на протесот.
Според нив, сметот се фрла и долж патот додека се транспортира до депонијата. На локацијата Русино, шест општини од полошкиот регион го депонираат комуналниот смет.
Депонирањето на сметот во еден од најнаселните региони во змејава се уште е горливо прашање.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени