Благо покачување на водостојот на реките
Врнежите кои паднаа изминатото деноноќие предизвикаа благо покачување на водостојот на реките низ земјава.
- Иако во некои од речните сливови, река Треска и река Црна, и во текот на денешниот ден се очекуваат мали зголемувања на водостоите, не се можни излевања на реките и нема опасност од нивно поплавување, соопшти Управата за хидрометеоролошки работи.
Од утринските мерења најголеми вредности на водостоите се бележат на станиците на река Вардар кај Радуша (167), Демир Капија (162) и Јегуновце (150).
Податоците на УХМР покажуваат дека во однос на февруарскиот просек, нивото на Вардар кај Јегуновце е зголемено речиси двојно, а покачено е и кај Скопје-Зајчев Рид, Велес и Демир Капија.
Значително е зголемено во однос на просекот во февруари и нивото на Пчиња кај Катлановска бања, има покачување и на Сатеска кај Ботун, а под просекот се Црна Река кај Новаци и Црн Дрим кај Ложани.
Кај водостоите на Охридското, Преспанското и Дојранското езеро нема значителни промени споредени со просекот за овој месец од годината.
Ново на Сител
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа