Бизнис натпревар за средношколци и старт ап фирми

Бизнис натпревар за средношколци и старт ап компании (Get in the ring)  ќе се одржи денеска во Скопје,  во пресрет на 6. „Самит на Македонија 2025“.

На натпреаврот млади иноватори ќе презентираат бизнис-идеи, а најдобриот средношколски тим ќе биде награден со 1.500 долари.

Дводневниот самит, што ќе биде отворен утре, е најавен како водечка регионална платформа за споделување на последните светски трендови во бизнисот, инвестициите, технолошките иновации и одговорното лидерство.

Најавени се дебати на кои ќе бидат разработени најдобрите практики на економски успешните мали земји, примери за успешно и инспиративно лидерство, технологии на идното време, значењето на медиумите и телекомуникациската индустрија, улогата на социјалните медиуми и платформи, развој на Македонија во регионален центар за паметни технологии, значењето на странските инвестции за земји како нашата, како и примери за „паметни“ технологии и обновливи извори на енергија.