Билансот на жртвите од пожарот во Португалија достигна 62, прогласена е тродневна жалост
Бројот на жртвите од пожарот што изби во централниот дел на Португалија, во Педрогау Гранде достигна до 62.
Во Португалија е прогласена тридневна жалост.
Најголемиот број од жртвите ги загубија нивните животи при обид да избегаат од опожареното подрачје.
Околу 600 пожарникари и 160 противпожарни возила од вчера попладне се обидуваат да ја стават под контрола огнената стихија, која се прошири на неколку фронтови.
Португалскиот премиер Антонио Коста изјави дека ова е најголемата трагедија, што ја погодила Португалија изминатите години.
Тој изјави дека бројот на загинати може да се зголемува и оти приоритет е да се спасат сите оние кои се уште се наоѓаат во опасност.
Секретарот во Министерството за внатрешни работи, Хорхе Гомес изјави претходно дека 22 лица изгореле во своите автомобили, три лица се задушиле, а од 16 повредени, меѓу кои и петмина пожарникари, две лица се здобиле со тешки повреди.
Пожарот им се заканува на неколку населби во областа. Пожарот избувнал во близина на Педрогау Гранде, на околу 200 километри од главниот град Лисабон, вчера околу 15 часот по локално време (14 часот по Гринич).
Европската унија вложи напори во рамките на цивилната заштита, да и помогне на Португалија да се избори со шумскиот пожар.
Еврокомесарот за хуманитарни прашања Христос Стилијанидес изрази сочувство за жртвите.
Тој наведе дека „ЕУ во целост е подготвена да помогне“.
Стилијанидес посочи дека по барање на Португалија, Шпанија и Франција испратиле авиони со цел да помогнат во гаснењето на пожарот.
- Силно сум погоден од трагедијата што се случи во Педрогау Гранде, граѓаните на Португалија можат да сметаат на нашата солидарност, поддршка и грижа, наведе на неговиот Твитер налог шпанскиот премиер Маријано Рахој.
Португалските власти соопштија дека се уште се истражува што го предизвикало пожарот, но се претпоставува дека причината се високите температури во земјата.
Температурите во многу области на Португалија се искачија над 40 степени Целзиусови.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка