Билансот на жртви на циклонот Идаи во Африка се искачи на 761
Бројот на загинати при налетот на циклонот Идаи, што го погоди југоисточниот дел на африканскиот континент, според последните подароци, се искачи на 761.
Според овие податоци, билансот на жртви во Мозамбик изнесува 446, во Зимбабве 259, а во Малави 56.
Идаи, проследен со силен ветер со брзина и до 170 километри на час и со поројни дождови кои предизвикаа поплави од катастрофални размери, пред 10 дена прво го погоди Мозамбик, потоа се прошири кон Зимбабве и Малави.
Министерот за заштита на животната средина на Мозамбик, Целсо Кореја изрази стравување дека сегашната бројка од 446 загинати нема да биде конечниот биланс на жртвите. Според него, можно е Идаи да усмртил и до 1.000 жители на Мозамбик.
Во моментов околу 110.000 жители на Мозамбик се сместени во кампови, поради тоа што нивните домови се поплавени или уништени во налетот на циклонот, а властите стравуваат од можна појава на заразни болести во поплавените реони, како маларија и колера.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка