БиХ од април преминува на Турски тек
Компанијата Енергоинвест до крајот на март ќе потпише нов договор со руски Гаспром за промена на трасата за испорака на гас до БиХ, изјави министерот за енергетика, рударство и индустрија на ФБиХ, Нермин Џиндиќ.
– Потписник на договорот со Гаспром од страна на БиХ е сараевската Енергоинвест. Пред Нова година, тие добија барање од руска компанија да потпишат анекс на договорот со кој се снабдувањето со гас се префрлува на Турски тек. Значи снабдувањето би одело преку Турција, Бугарија и Србија, наместо преку Украина, Унгарија и Србија, изјави Џиндиќ за „Аваз“.
Причините, како што објасни, се од техничка природа, односно желбата на Гаспром да избегне рута преку Украина.
– Баравме потпишувањето на анексот да биде продолжено за три месеци. Во текот на тие три месеци Енергоинвест треба да најде решение со Гаспром и да го потпише конечниот договор за оваа година. Тоа сè уште не е завршено и верувам дека работата ќе биде завршен до крајот на март, рече Џиндиќ.
Тој додаде дека ова треба да биде поповолна опција за БиХ.
Според него, договорите за транспорт на гас со Унгарија и Србија се продолжени до 2023 година.
Ново на Сител
-
ВМРО-ДПМНЕ ја официјализира својата коалиција
-
Еко акција во Прилеп
-
Штипска фирма доби забрана за работа поради загадување
-
Преглед на вести од светот
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите