БЕСА: Во Гостивар ќе водиме позитивна кампања
Движењето БЕСА, синоќа во ново отврениот предизборен штаб на гостиварскиот огранок, официјално ги претстави кандидатот за градоначалник, носителот на листа и дел од програмата за локалните избори.
Кандидат за градоначалник е Асаф Адеми, а носител на листата за членови на Советот на општина Гостивар е Арафат Шабани.
Во обраќањето пред сопартијците и претставниците на медиумите, Адеми нагласи дека ќе водат позитивна кампања, без навреди и, како што рече, нема да се занимаваат со политичките конкуренти. Притоа ги најави приоритетите од предизборната програма.
- Нашиот фокус ќе биде на отворање нови работни места, на подобрување на условите во училиштата кои се во катастрофална состојба. Планираме инвестиции во инфраструктурата и отворање голем и модерен спортски центар. Предвидовме изградба на пречистителна станица за отпадни води и гасификација на градот, за што веќе стапивме во контакт со релевантна компанија, рече кандидатот за градоначалник Адеми.
Носителот на листата, Шабани ги соопшти и имињата на кандидатите кои ќе се најдат на листата за членови на советот на општината, а во обраќањето нагласи дека „Гостивар прво треба да се ослободи, потоа да се развива“.
- Никој друг тоа нема да го направи за нас, туку самите треба да го направиме, подвлече Шабани.
Обраќања пред членовите имаа и шефот на изборниот штаб Имрли Асани и пратеникот Фадиљ Зендели.
Ново на Сител
-
Во Крива Паланка излезноста до 13 часот е 42,08 отсто
-
Излезноста до 13:00 часот во Делчево и М.Каменица се движи од 24 до 29 отсто
-
Во Велес и велешко до 13 часот излезноста е 29,56, во Градско 33,51 процент
-
Приведен охриѓанец кој го фотографирал гласачкото ливче
-
До 13 часот во Куманово одѕивот 23 проценти, во Липково 16, во Старо Нагоричане 22
-
Излезноста во Струга до 13 часот 16 отсто, во Вевчани 33 проценти
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас