БЕСА бара поддршка од гостиварци за референдумот и да гласаа „За“
На синоќешната средба со граѓаните на собир како дел од кампањата „излези ЗА“ лидерот на партијата Движење БЕСА Африм Гаши, повика на позитивна поддршка на референдумот закажан за 30. септември.
Гаши, појаснувајќи делови од договорот околу името со Грција нагласи дека со тој договор, добиваат и Албанците како народ.
- Сo референдумот и со спроведувањето на „Преспанскиот договор“ Македонија ќе добие ново име - Северна Македонија и со тоа таа влегува групата на мултиетнички држави. Таа досега беше земја само на еден народ. Со новото име не се идентификува само еден народ туку ќе добиеме држава во која живеаат повеќе народи. Тоа на Албанците им отвора една нова страница за функционирање, како во државата, така вон неа и интегрирање во две многу важни институции ЕУ и НАТО, рече Гаши.
Од сцената во Ценатарот за култура АСНОМ, се обрати и министерот за култура Асаф Адеми кој барајќи ја поддршката за претстојниот референдум ја нагласи и поддршката на околните земји.
- Членството во ЕУ и НАТО може да се случи само со позитивен исход на референдумот. И тоа е факт. Ова ни кажаа канцеларката на Германија, претседателите на Албанија и Косово и други странски дипломати кои допатуваа во земјава. Ние не бараме членство ЕУ и НАТО некогаш туку тоа да биде во најкус можен рок. Со зачленувањето во овие организации, ние ќе го запреме заминувањето на младите, подвлече министерот Адеми.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората