Свет
28. January 2016 - 14:16

Берто: Државите се должни да протераат мигрантите кои немаат право на престој во ЕУ

Државите од Европската унија се должни да ги протеруват мигрантите кои немаат право на престој во Унијата.

Ова на прес-конференција во Брисел го изјави портпаролката на Европската комисија, Наташа Берто.

Таа појасни дека задача на националните власти во ЕУ е да определат кој има право на престој.

- Бројот на екстрадирани досега не е доволен, нагласи Берто.

Портпаролката рече дека нема податоци за економските последици од воведувањето на контроли на некои од границите во Шенген зоната.

Берто наведе дека ЕК со вчерашните одлуки не го замрзнува членството на Грција во Шенген.