Бензините поскапуваат од полноќ

Бензините поскапуваат за половина денар, цената на дизелот останува непроменета.

Регулаторната комисија за енергетика ги објави новите малопродажни цени на нафтените деривати по кои бензинските пумпи низ Македонија ќе го точат горивото од полноќ.

Цената на ЕУРОСУПЕР БС 95 од полноќ ќе биде 62,5 денари по литар, а на ЕУРОСУПЕР БС 98 64,5 денари за литар. ЕУРОДИЗЕЛОТ ќе се точи по стара цена од 49,5 денари за литар. 

Половина денар поскапо станува и екстра лесното масло за домаќинство и неговата цена ќе биде 38,5 денари за литар. Мазутот поевтинува за 0,526 денари и новата цена изнесува 20,787 денари за килограм.