Белорускиот опозициски кандидат Валериј Цепкало побегна во Русија за да ги спаси децата
Белорускиот опозициски кандидат Валериј Цепкало, кој сакаше да му се спротивстави на актуелниот долгогодишен лидер Александар Лукашенко на претседателските избори следниот месец, избега во Русија со своите двајца синови, плашејќи се дека ќе му бидат одземени, наведе неговиот предизборен штаб.
Цепкало, поранешен белоруски амбасадор во Вашингтон, кој подоцна основа високо-технолошки парк, бил загрижен што властите почнале постапка за одземање на неговите родителски права, пренесоа британските медиуми.
Неговиот предизборен штаб наведе дека службени лица од обвинителството дошле во училиштето на децата и побарале писмена изјава дека нивното семејство недоволно се грижи за децата.
-Немавме друг избор, изјави сопругата на Цепалко, Вероника.
Таа кажа дека ја повикале загрижени луѓе дека сакале да потпишат документи против нив и дека следниот чекор е да им се одземат родителските права, всушност да се докаже дека таа е лоша мајка.
Портпаролот на обвинителството одби да даде коментар на тврдењето.
Цепкало побегна во Русија неколку дена откако другиот опозициски кандидат, Светлана Тиханускаја, ги засолни своите две деца на непозната локација во Европската унија, откако добила анонимни закани дека ќе и бидат одземени.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари