Белгија се подготвува, но не паничи за коронавирусот
За разлика од Италија каде тревогата е максимална, белгиските власти сметаат дека не се потребни нови мерки во однос на епидемијата на Ковид-19.
-Постоечките метки се за сега доволни, но научната комисијата постојано ја следи ситуацијата, изјавија од кабинетот на министерката за здравство на Белгија.
Италија прогласи карантин во повеќе северни градови, венецијанскиот карневал е укинат оваа година, а соседните земји се подготвени за слични мерки доколку биде потребно. И покрај интензивните контакти со Италија, правилата во белгиските аеродроми остануваат исти: единствено лицата кои пристигнуваат од Кина треба да пополнат формулар за да се утврди дали претставуваат ризик, во тој случај се изолирани.
Министерството за надворешни работи не ги смени ниту препораките за патување во Италија.
Според властите во Белгија, иако треба да се биде внимателен, не треба да се шири паника кај населението, и потсетуваат дека сезонскиот грип коси многу повеќе од коронавирусот.
За сега во Белгија само едно лице е во карантин, другите две веќе се пуштени од болница.
Сепак, според информациите на весникот “Ле Соар“, привидната смиреност не значи дека властите не се подготвени да реагираат во случај на влошување на состојбата. Доколку се зголемат случаите на зараза, најверојатно е дека Белгија би прогласила слични мерки како во Италија: изолации и откажување на јавни манифестации.
Властите сметаат дека не е потребно политичарите да даваат изјави за сега за да не се шири паника, дека институциите треба да комуницираат често, навремено и прецизно за да се смири јавноста и да не се даде впечаток на нетранспарентност.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак