Белгија повторно погодена од силно невреме – поплавени улици, куќи и возила
Белгија повторно беше погодена од силно невреме што предизвика штети, само десет дена по поплавите во кои загинаа 36 лица, јавија утринава западните агенции.
Поплавата во градот Динанту носеше возила, блокирајќи го железничкиот премин, јавија белгиските медиуми, повикувајќи се на железничката компанија Инфрабел. Железничкиот сообраќај на почетокот на месецов беше блокиран токму поради поплавите. Поплави има и во градот Намур, јави мрежата РТБФ. Во овој главен град на Валонија, еден ѕид се урна врз тротоар во близина на казино, и неколку куќи мораа да бидат евакуирани. Невремето погоди и други градови низ Белгија, јави агенцијата Белга. Свлечишта се регистрирани во провинцијата Валон Брабант, а во провинцијата Антверпен на северот на земјата, спасувачките служби добиле повеќе повици за помош. Во овој регион, куќите се поплавени, а една куќа беше погодена од гром. Засега нема достапни информации за можни смртни случаи или повреди во невремето.
Белгија до петокот имаше регистрирано 36 смртни случаи од претходните поплави, а седум лица се уште се водат за исчезнати. На социјалните мрежи се шират снимки од поројните улици, што потсетуваат на сцените од пред десет дена во провинцијата Лиеж. Портпаролот на службата за кризни ситуации, Антоан Исе, изјави дека „ситуацијата на никаков начин не може да се спореди со поплавите од 14 и 15 јули“, бидејќи вчерашните врнежи не предизвикаа излевање на реките. Но, додаде тој, материјалната штета е голема затоа што се поплавени подруми, станови и возила.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп