Белгија нарачала пет милиони погрешни заштитни маски
Белгија не располага со доволно заштитни маски за медицинскиот персонал, Владата нарачала пет милиони од Кина, но набавката се покажала погрешна, јави дописничката на МИА од Брисел.
Имено, петте милиони маски кои пристигнаа во петокот од Шангај се хируршки маски, а не ФФП2 и ФФП3 кои се единствени што ефикасно штитат.
Хируршките маски се ефикасни само за заразени лица да не ја шират инфекцијата, но не го заштитуваат тој што ги носи.
Болниците ширум Белгија ги користат последните резерви маски ФФП2 и 2 и итно им се потребни нови набавки. Медиумите јавуваат дека во некои болници персоналот има инструкции да ги штеди маските и да користи една иста маска два до три дена.
Голем број граѓани и компании донираат маски, но најчесто тие не се професионални.
Болниците, исто така, алармираат дека наскоро медицинскиот персонал ризикува масовни зарази со оглед на тоа дека вирусот преживува неколку дена на различни површини. А Белгија очекува значајно покачување на бројот на заразени во наредните недели, па заштитата на медицинскиот персонал мора да биде приоритет, апелира медицинската фела.
Сепак вчера пристигнале сто илјади ФФП2 маски, но тие не се доволни за потребите на земјата, а притоа биле првично наменети за Италија.
Минатиот викенд, Министерството за здравство на Белгија нарача пет милиони маски од Турција, но тие никогаш не пристигнаа. Обвинителството отвори истрага.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка