Белата куќа: Трамп беше саркастичен кога му се заблагодари на Путин
Американскиот претседател Доналд Трамп беше саркастичен кога му се заблагодари на рускиот претседател Владимир Путин дека им заштедил пари на САД, со тоа што наложил Вашингтон да го намали бројот на дипломатскиот персонал во Русија, јави Ен-Би-Си њуз, 24 часа по изјавата на Трамп.
Ен-Би-Си ова го објави на Твитер, цитирајќи ја портпаролката на Белата куќа, Сара Сандерс, која ја појаснила изјавата на претседателот.
Трамп во четвртокот му се заблагодари на рускиот лидер Владимир Путин поради тоа што го намалил бројот на американскиот дипломатски персонал во Русија, бидејќи како што рече „сега имаме помал платен список“.
- Сакам да му се заблагодарам, бидејќи се обидувавме да го намалиме платниот список и што се однесува до мене јас сум мошне благодарен, што протера толку многу луѓе, рече Трамп.
Путин реагирајќи на новите санкции, кои ги воведе американскиот Конгрес, на 30 јули му наложи на Вашингтон до септември да го намали бројот на вработените во Амбасадата и Конзулатот на САД од 1.200 на 755.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање