-->
-->
Белата куќа не се откажува од средбата Пенс-Абас
-->
Американската Администрација и натаму очекува да се одржи средбата меѓу потпретседателот на САД, Мајк Пенс и палестинскиот лидер Махмуд Абас, предвидена за 19 декември во Витлеем, соопшти вечерва Белата куќа.
- Потпретседателот се уште има намера да се сретне со Абас, како што е планирано. Можното откажување на средбата би било контрапродуктивно, оцени Белата куќа.
Реакцијата на Белата куќа следи по изјавата на претставникот на Движењето за ослободување на Палестина (Фатах), Џибрил Раџуб дека Абас ја откажал планираната средба со Абас.
- Таква средба нема да има. (Пенс) не е пожелен во Палестина, изјави Раџуб.
Откажувањето на средбата, што требаше да се одржи во рамки на турнејата на Пенс на Блискиот Исток, следи по одлуката на американскиот претседател Доналд Трамп за признавање на Ерусалим за главен град на Израел и издавањето наредба на Стејт департментот за преместување на Амбасадата на САД од Тел Авив во „Светиот град“.
Таквата одлука на Трамп, Абас ја оцени како „повлекување на САД од мировниот процес на Блискиот Исток“.
Претходно, како што јави МИА, портпаролката на Белата куќа, Сара Сандерс изјави дека одлуката на Трамп не е сигнал дека САД се повлекуваат од мировниот процес.
-->
-->
-->
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти