Бела куќа: Бајден му остава на Сенатот да одлучи за Трамп
– Американскиот претседател Џо Бајден ќе остави одлука да донесе Сенатот за тоа како да продолжи судењето на поранешниот претседател Доналд Трамп. Тоа го нагласи портпаролката на Белата куќа Џен Псаки.
– Убедени сме дека … Сенатот … може да ја исполни својата уставна должност додека истовремено работи и за американскиот народ, изјави Псаки на брифинг во Белата куќа.
– Претседателот (Бајден) на нив ќе им ги остави механизмите, временската рамка и другите детали за тоа како Конгресот ќе продолжи со процесот на повлекување, додаде таа.
Демократот Бајден положи заклетва како 46-ти претседател на САД вчера, една недела откако Долниот дом на Конгресот гласаше за второто отповикување на Трамп, обвинувајќи го за поттикнување бунт и смртоносен напад на Капитол на 6 јануари.
Спикерот на Претставничкиот дом Ненси Пелоси се уште не испратила текст за отповикување до Сенатот, а според правилата на Сенатот, судењето на поранешниот претседател ќе почне ден по приемот на одлуката. Бајден претходно ги повика сенаторите да не дозволат судењето на Трамп да ги забави преостанатите активности во првите денови од неговиот мандат, како што се гласање за неговата администрација и донесување закони.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари